CORAX

I.

CORAX

Sicyoniorum Rex, post Echireum: Regnavit ann. 30.

II.

CORAX

antiquissimus Rhetor Siculus, circa Olymp. 89. primus artem dicendi, et praecepta conscripsit. Cicero, in Bruto, c. 12. Primus etiam exstitit, qui artem dicendi mercede professus est, Tisiamque eâ lege instituendum suscepit, ut mercedis partem praesentem numeraret, reliquam tum dem um persolveret, quum in iudicio, causâ peroratâ, victoriam reportâsset. Quum itaque Tisias non parum in arte profecisser, causam tamen nullam susciperet, idque fraude facere videretur, ne reliquum mercedis praeceptori persolveret: Corax hominem in ius vocat, causamque omnem in hoc dilemma confert: Disce, inquit, stultissime adolescens, utroque modô futurum quod poslulo, sive viceris, sive condemnatus fueris: Nam a victore merces mihi ex pacto debebitur, quum ita inter nos convenerit, ut quum primam ex iudicio victoriam reportâsses, reliquum mihi mercedis persolveretur. Sin ego vicero, nibilominus iudicii laqueis teneberis, utpote sententiis iudicum condemnatus. Ad haec Tisias, Imo, inquit, in potius disce, praeceptor sapientissime, neutrô modô futurum quod postulas. Nam si tu viceris, ex pacto nulla tibi debebitur merces, quandoquidem ita convenit, ut eam tum demum persolverim, quum causâ peroratâ victor discessissem. Sin ego vicero, quid quaeso exspectes a victore, iudieum calculis absoluto? Quibus auditis, Iudices adolescentis ingenium admirati feruntur acclamâsse, Κακοῦ Κόρακος κακὸν ὠὸν, i. e. mali corvi malum ovum, alludentes nimirum ad Coracis nomen, quod Latinis corvum significat. Alii Protagorae hoc adseribunt. Vide Aul. Gellium, l. 5. Noct. Attic. c. 10. Docuerunt ambo, in Sicilia, post mortem Hieronis: et posterior quidem, cum Gorgia Legatus Athenas missus est, Voss. de Rhetor. c. 9. §. 10. Nic. Lloydius.

III.

CORAX

equus in Circensibus, apud Plin. et ex eo Solin. c. 46. Ingenia equorum etiam Claudii Caesaris Circenses probaverunt, excussô in carceribus aurigâ Albati equô Corace occupaverunt, primatum oblinuerunt, opponentes, effundentes omniaque contra aemulos --- facientes.

A' nigredine pili corvina forte dictus: quemadmodum et Κόραξ vocabatur unus equorum, quibus vicit Cleosthenes Olympiadem 66. quorumque, uti et aurigae, imagines dedicavit, apud Pausan. in Eliacis. Fuit autem is Solino memoratus, equus sinister in quadriga, funalisque et praecipuae in circumeunda meta operae, ur infra dicemus. Nota vero hîc vocabula Artis Circensis, occupare, primatum obtinere, de quibus vide suô locô: plura vero hanc in rem apud Salmas. ad Solin. p. 900. Sed et κόρακα dicebant Graeci circulum corneum, vel aeneum, qui foribus affigebatur, ad eas adducendas, quôque percuti fores solebant, uti fit etiamnum. Glossae, repagulum, κόραξ, Alibi, nuntius, κόραξ. Aliis κορώνη, ἡ ἐπἰ τῇ θύεῃ κρῖκος. Idem, ibid. p. 924.

IV.

CORAX

interfector Archilochi Poetae, in bello quodam. Hic cûm forte seiscitatum Apollinis oraculum venisset Delphos, ab eo tamquam impius ac sceleratus eiectus est. Verûm cûm ille multis verbis sese excusare conatus, culpam omnem in fortunam et vatios bellorum eventus reiecisset, vemamque a Deo implorâsset, flexit numen, acceptôque ab Apolline responsô, iussu eius Taenatum profectus, manibus Archilochi parentavit, tanta erat eô tempore vatum, et Poetarum maiestas. Perottus.

V.

CORAX

mons in Aetolia, et Sarmatia Europae. Item urbs Tauricae Chersonesi, et fluv. in Caucaseis montibus originem habens. Ptol.

VI.

CORAX

vulgo Algiery, urbs Sardiniae, cuius portus olim Carcacodes, seu Caracodes, peramplus in ora Occidentali. Insul. Parva est sed culta, in loco peramoeno, Episeopalis sub Archiepiscopo Turritano. 16. milliar. a Sassari in Austrum, totidem a Bosa in Boream, Algara hodie.